मी झुरावे अन तुला काहीच न कळावे
मी पाहता नभी मेघही सरावे
मेघाळलेल्या नभी क्षणात चांदणे खुलावे
सांगना का असे घडावे?
मी झुरावे अन तुला काहीच न कळावे ॥
दिवसास माझे चित्त नसावे
रात्री स्वप्नांतही तूच दिसावे
सांगना का असे घडावे?
मी झुरावे अन तुला काहीच न कळावे ॥
सर्वच चेहऱ्यांत तुलाच पाहावे
तरी पुन्हा तुलाच स्मरावे
सांगना का असे घडावे?
मी झुरावे अन तुला काहीच न कळावे॥
यातनांनी मनीचे रान भरावे
आसवांनी उरीचे बंध तुटावे
सांगना का असे घडावे?
मी झुरावे अन तुला काहीच न कळावे॥
विरहात तुझ्या स्तब्ध रहावे
फक्त हृदयस्पर्शी अपेक्षा करावे
सांगना का असे घडावे?
मी झुरावे अन तुला काहीच न कळावे॥
@प्राचार्य, डॉ. सुजितकुमार टेटे
No comments:
Post a Comment